18 恐惧（1/2）

青战战兢兢在俊诊症室等候，俊拿着报告坐下，瞄了青一眼⋯

青（紧张搓手指）：个验血结果点啊？

俊（托眼镜不慌不忙）：个结果啱啱返咗啦！你刚刚怀孕六星期⋯⋯

青（全身僵硬难以置信）：吓？！点解上两个星期，我用验孕棒都验吾到嘅？

俊（掦起下巴一本正经）：你经期一向唔准，初期时细胞慢慢分裂发展紧，症状唔明显，用验孕棒有可能验吾到⋯⋯

青心慌意乱的拨弄头发，不知点算好⋯⋯

俊（托下巴连忙安慰）：我諗蓝都已经有心理准备你会怀孕，一阵间你打电话通知佢啦！

青（皱眉不明所以）：点解你咁讲呀？

俊（抬一下眼镜）：上次你哋嚟我屋企，佢摆番纸巾入你手袋嘅时候，蓝已经见到你个袋有验孕棒啦！

青（双脚併拢）：是吗？难怪上星期佢忽然同我求婚添⋯⋯

俊（摊开双手）：咪好囉！佢咁自动自觉想同你结婚⋯⋯

青（呼吸加快）：不过，係为咗个bb先至咁做呢！

俊（拨一下头发）：哎呀！救命啊！咁蓝肯负责任，无松人已经好好啦！

青（耿耿于怀）：哎呀！我真係好乱啊！等我返去諗下先⋯⋯

青和父亲拿着鲜花和祭品，一步一步登上和合石山顶，为去世多年的母亲进行祭祀⋯⋯

青（喜悦）：哗！呢度好清幽啊！妈咪每日望住个海，一定好开心呢！

父（浅笑）：我见你妈咪墓碑已经咁旧，今年重新立过一块新碑，你帮我用啲湿纸巾抹下妈咪张相吖⋯⋯

青小心翼翼地为石碑扫尘，仔细端详妈妈发黄相片，想得入神，顿然发觉死忌日子有点面熟⋯⋯怎么会跟自己的旧历生日一模一样？