唔用安全套嘅男人都系败类（1/2）

我从前以爲我阿妈系一个地地道道嘅农村妇女。

因爲由细到大，我阿妈都话俾我知：读书系害人嘅。

系啦，唔系读书无用，系读书害人。

细个嗰阵，我阿妈嘅观点好令我信服，以至於我真嘅唔去读书。

佢话：人活在呢个世上，短短几十年嘅时间，点解唔用更多嘅时间去玩，偏要用廿几年去读书咧。

我话：阿妈，老师话读书先有出息的啦。

佢话：点解要有出息？

我话：有出息先能走出去啦。

佢话：点解要走出去？

我话：老师话外面有好多好嘢食，仲有海啊，山啊，楼啊……

佢话：你阿妈做嘅饭你唔中意啊。

我唔讲嘢了。

你阿妈做饭你唔中意，呢个系最大嘅不孝。

佢话：读书好复杂嘅，识字，算数，英文，科学，做人，仲要同佢哋争，争住争住，争到最後，把人都争冇晒，呢个社会要你读咁多书，就系要你唔做人，连人都唔系啦，点解要去读书啊。

佢又话：快乐系根本啦。

对於细佬仔来讲，快乐呢两个字系好有吸引力嘅。

於是乎我话：阿妈你有冇钱啊。

佢话：躝开。

冇钱都可以快乐啦，捉鱼逗猫吸花蜜，边个唔可以玩啊。

但系呢点我由细玩到大啊，我话俾阿妈知，阿妈话你食唔食鷄蛋啊。

我话食。

细佬仔食只鷄蛋就可以忘记所有嘅嘢。

但系我阿妈唔知道，人系犯贱嘅生物来嘅，又或者我阿妈一世要犯的贱已经犯完咗。

我仲系一个细佬仔，我一个贱都仲未犯过。

呢啲唔啱嘅，我需要犯贱啊。

唔犯贱点称得上系人啊。

在我应该要上小学五年级嗰阵，突然来咗一个转学生，听佢哋讲，嗰个转学生好白好净好斯文，仲读咗好多书，讲普通话嚟嘅。

讲普通话。

在呢个地方，冇人讲普通话嘅，一个人都冇。

但系因爲呢个转学生，大家都开始学着讲普通话，佢哋口音超极蹩脚，蹩脚到乜程度嘞，冇人能聴懂，佢哋自己都唔知自己讲嘅系乜，但系转学生知。

我都唔明点解佢知。

可能系因爲佢系创始人嚟嘅，佢创造咗一种语言，虽然唔实用，但系光创始人呢一个名头，就足以被所有人崇拜同炫耀啦。

我哋呢个村，唯有我阿妈对呢件嘢嗤之以鼻，佢话：普通话系乜啊，普通话乜都唔系。

新鲜常常维持不了多久，冇几天，因爲极其扰乱课堂秩序，普通话被下令禁止，冇人讲普通话了。

但转学生嘅威名已经立下，细佬仔系好容易崇拜一个人嘅，仲系好容易崇拜一群人都崇拜嘅人嚟嘅，对於自己崇拜的人，细佬仔往往都称作系神。

但系佢哋唔知，呢个神日日都揾我来割草，往往我割咗一整块地，佢仲割埋两根草。

割完草，我哋就坐在大树下乘凉，我坐在地上，佢坐在凳上。

我知道转学生呢啲人叫做知识分子，知识分子系唔会坐在地上嘅。

但系我都唔愿意坐在地上。

我有洁癖。

嗰时当然系讲笑喈，细佬仔点知边个系洁癖。

“你爲什麽不去上学啊？”

佢讲普通话，我听唔明。

“你识唔识讲粤语啊？”

“少少。”

知识分子都过度谦虚，呢个我懂。

“我教你讲普通话好唔好啊？”